Sual makanan intan sinaroe

Beek roh tapujoe deungon taceula

Ureueng po rumoh cit geuthee keudroe

Bandum sibagoe haloh ngen gasa

Tapajoh meuhat dum nyang hajat droe

Beuthat hana troe beek tapeu nyata

Beuna taingat sahbat jeueb2 syoe

Budi ngen budoe bak sampurna

Bak ta seumajoh beuna ta ingat

Mubeek meu cap cap ngen meusuara

Asoe lam babah mubeek that sarat

Ingat hai sahbat keuji lagoena

Tasub beek raya beuna ta ingat

Mubeek meularat sang2 beurala

Ohta seumajoh tahirup beek that

Kureueng that adat geukheuen keugata

Tacok makanan beuta timang brat

Ban bandum sahbat beu ek beurata

Kon meugeutanyoe tapajoh mangat

Nyang laen umat saban cit hawa

Lagee boh itek saboh lam cawan

Ureueng na lapan bagi beurata

Bahkan nyang laen cutlem makanan

Bandum keurakan beutapeurata

Sisabe rakan nyang duek sihidang

nyang duk sajan sapat dilingka

Dilikot jaroe beekna meuligan

Jiteukalan rakan digata

Beuta mamoh bandum ka makanan

Beek tapeu reulan ube be raya

Ue deungon huk roh taduk ceukang

Beu that hai rakan hana tasaja

Ue lam dada saket meuleupah

Teubiet muntah lam kawan bha

Seubab gata gob teuka susah

Payah seumeurah bandum ubena

Meunyoe makanan rakan lam babah

Beugot tapapah beek peugah haba

Cawab eubgkot ngen cipe kuwah

Mubeek takeubah nyan dikeue gata

Tatulak bacut deh cut meutuwah

Mangat beek payah nibak gob raba

Bak go aweuek pih beek meuligan

Kuah asam wahe saudara

Mubeek meusiliek lipiek makanan

Ingat hai rakan tuha dan muda

Hana gura gob pandangan

Luwat hanban oh gob eue rupa

Mubeek roh luwat ureueng duk sajan

Ingat hai rakan tuha dan muda

Oh tamat aweuek ngon jaroe wie

Mangat beek meurï deungon meutanda

Oh tamat bate ngon cawan ie

Pih ngon jaroe wie wahe saudara

Sampoh babah bagah bak bibi

Oh tajeb ie beek meubura

Tamat cirik ngon jaroe wie

Ka ubak bibi taple dom suka

Babah cirik mubeek ta taluem

Meunyoe kon bulung keu sidroe gata

Beu ta ingat hai teungku bandum

Beuna tapeunyum ngon ta peurasa

Oh tarah jaroe adoe lam pingan

Dalam tudaha taple lom teuma

Toe peulangan dibineh binteh

Ie beek ple keudeh wahe saudara

Hana izin po rumoh nyan

Kadang sinan meupeue saleh na

Wassalam terima kasih,